I
hab ein seltsams Gfui im Bauch, wenn i zu dir geh. So ähnlich
wia Schmetterling, doch es tuat a bisserl weh. So ähnlich
wia Schmetterling, dee koane Flügel habn. Und a Vogel
kimmt gflogn und frißts zamm.
Und
i hab a Gschicht im Kopf, dee möchat i dir verzähln.
So ähnlich wiara Liebesgschicht, vui taat nimma fehln.
So ähnlich wiara Liebesgschicht, dee nimma weitergeht.
Und zum Vergessn is's z'spät.
Und
du gehst jeden Tag zum Markt und verkaufst dei Brot. So
ähnlich wiara Königskind, dees wer in d'Welt gschickt
hat. So ähnlich wiara Königskind, dees erst was
findn muaß. Dees findsd' net, es sei denn du gehst
z'Fuaß.
Und
i, i geh jetzt hi zu dir und i kauf dei Brot. So ähnlich
wiara Bettler, der bloß oa Münzn hat. So ähnlich
wiara Bettler, der ganz schnell kimmt und geht. Und dann
wieder Tag für Tag am Torbogn steht.
Und
wennsd' mi fragst was's neues gibt, dann mach i dir a Gsicht so
ähnlich wiara armer Bua, dems Herz ausnanderbricht. So
ähnlich wiara dummer Bua, den d'Liab nimmer gfreut. Und
a Vogel kimmt gflogn und schreit.
|